Items filtered by date: Декабр 2024

  Тибқи Нақшаи ташкил ва гузаронидани нишастои матбуотӣ дар вазорату идораҳо, ташкилоту муассисаҳо, мактабҳои олӣ, ВМКБ, вилоятҳо, шаҳри Душанбе ва шаҳру ноҳияҳои тобеи ҷумҳурӣ оид ба ҷамъбасти соли 2020 мутобиқи Амри Президенти Ҷумҳурии Тоҷикистон аз 15 сентябри 2011, №АП-1729 дар толори Агентии назорат дар соҳаи маориф ва илми назди Президенти Ҷумҳурии Тоҷикистон 17-уми феврали соли ҷорӣ нишасти матбуотии агентӣ бо иштироки роҳбарият, аъзоёни мушовараи агентӣ, сардорони раёсату шуъба, бахшҳои агентӣ, ва намояндагони воситаҳои ахбори омма баргузор гардид.

  Мусаллам аст, ки соҳибистиқлолии ҳар кишварро арзишҳои муқаддас чун сулҳу субот ва ваҳдату ризоияти ҷомеа муайян месозад. Хушбахтона, имрўз маҳз бо шарофати сулҳу субот дар роҳи таъмини рушди бони­зоми иқтисодиву иҷтимоӣ ва фарҳангиву маънавии кишвар аз ҷониби раҳбарияти дав­лат, хосатан Пешвои миллат, муҳтарам Эмомалӣ Раҳмон қадамҳои устувор гузошта шудааст. Тоҷикистон аз он лаҳзае, ки ба сулҳу ваҳдат ноил гардид, падидаи ваҳдат сароғози ташаббусҳои бузург дар роҳи ободкорию созанда­гии миллати тамаддунофару фарҳангпарвар шуд.

  Бо мақсади дар сатҳи баланд ва хотирмон таҷлил намудани 30-солагии Истиқлолияти давлатии Ҷумҳурии Тоҷикистон ва ҷашни Сада барои вусъат бахшидани корҳои созандагию бунёдкорӣ, ободу зебогардонии кӯчаву ва боғу гулгаштҳои шаҳри Душанбе ва ба «Шаҳри сабз» табдил додани он тибқи иқдомҳои Раиси шаҳри Душанбе муҳтарам Рустами Эмомалӣ дар таърихи 29.01.2021 аз ҷониби кормандони Агентии назорат дар соҳаи маориф ва илми назди Президенти Ҷумҳурии Тоҷикистон маъракаи ниҳолшинонӣ анҷом дода шуд.  

  15 январи соли 2021 дар Агентии назорат дар соҳаи маориф ва илми назди Президенти Ҷумҳурии Тоҷикистон бо иштироки намояндаи Дастгоҳи иҷроияи Президенти Ҷумҳурии Тоҷикистон, сардори раёсати маориф, фарҳанг ва иттилоот - Идизода Файзалӣ, аъзои мушовара ва ҳайати васеи кормандони агентӣ, намояндаи раиси шӯрои ректорони муассисаҳои таҳсилоти олии касбӣ, ректорони Донишгоҳи давлатии молия ва иқтисоди Тоҷикистон, Донишкадаи давлатии забонҳои Тоҷикистон ба номи Сотим Улуғзода, намояндагони сарраёсат ва шуъбаҳои  маорифи шаҳри Душанбе, намояндаи раиси шӯрои директорони муассисаҳои таҳсилоти миёнаи касбӣ, директорони Коллеҷи омӯзгории ба номи Хосият Махсумоваи Донишгоҳи давлатии омӯзгории Тоҷикистон ба номи С.Айнӣ, Коллеҷи техникии Донишгоҳи техникии Тоҷикистон ба номи академик М.Осимӣ, Коллеҷи муҳандисию омӯзгории шаҳри Душанбе, раиси шӯрои директорони муассисаҳои таҳсилоти ибтидоии касбӣ, директори Мактаби байналмилалии Президентӣ дар шаҳри Душанбе ва директори Литсей-интернати Президентӣ барои кӯдакони болаёқати Ҷумҳурии Тоҷикистон ҷаласаи мушовараи ҷамъбастӣ доир гардид.